बावखुंग्रि रायजोआव सासे जोबोद धोनि राजा दंमनो बिहा सासे जोबोद नायनो समायना फिसाजो दंमोन। राजखुंग्रिनि मुंङा देलायस्रिमोन, बिनि मुङा जेरैनो देलायस्रि थिग बेबायदिनो बियो जोबोद देलायमांग्रिमोन। नाथाय राजखुंग्रिया नायनो समायनाब्लाबो बिहा आखल गैयामोन, बियो रावखौबो सनमान होनो रोङामोन। सानसेखालि बिफाया राजजांगिला राजखुंगुरफोरखौ गावनि राज दरबाराव लिंहरो। राजानि लिंहरनायबादिनो बयबो जारखुंगुरफोरा बावखुंग्रि रायजोनि समायना रमायना राज महल सिङाव जिरायना दंजोबो राजखुंग्रिखौ नेना। बेयाव मुंदांखा राजखुंगुर दावहारु जोहोलावाबो गिबि मासियावनो जिरायना दंमोन। दसे उनाव राजखुंग्रिया जोंख्लाब जोंख्लिब देलायफबना दरबाराव थानाय राजखुंगुरफोरखौ फारियै बासिनो हमो। गिबिसिनाव रायनायखौ
सि सि बेलाय खौला लासो, गुबुन सासेखौ बुङो बिनियाथ मोखाङानो दुमफाव फाव थार, थामथिखौ बुङो उदैयावलाय मा जाना लादों थिंख्लि उदै बायदि, ब्रैथिखौ बुङो दारियालाय मासि जामामाव लेथ्रा फेथ्रानो, बिदिनो बियो दरबाराव जिरायना थानाय साफ्रोम राजखुंगुरफोरखौ लाजि फोनांलाङो फारसेनिफ्रायनो। बेबायदि राजखुंगुरजों आं हाबा जाया होन्ना। बेखौ नुना राजाया जोबोद दुखु मोनो आरो रागाजोंना राजखुंग्रिखौ हुखुम होयो - गाबोन फुङाव जायनो आंनि बे दरबाराव बयनिख्रुयबो सिगांसिन हाबफैगोन बेजोंनो नों जुलि जानांगोन, बे राजखुंगुरानो जायाथों एबा बिबायारिआनो दा जाथों मानो नों जुलि जानांगोन होन्ना। राजखुंग्रिआ रागाजों गावनि खथायाव हाबसोना थाहैयो। अखानायै फुङावनो सासे बिबायारिया मायरं बिबायनो राजानि दरबाराव हाबफैबाय, राजाया बेखौ नुना फिसाजोखौ बुंबाय दिनै नों बे बिबायारिजोंनो जुलि जानानै बे ननिफ्राय थांनांगोन गावनि फिसायनि नआव। राजखुंग्रिया राहा गैयै जुलि जानांबाय बे बिबायारिजों आरो बिबायारि फिसायजों जारमहलनिफ्राय ओंखारलाङो। ससे गोजान थाबायलांना बिसोरो मोनसे समायना राजमहल मोनहैयो, बेखौ नुना राजखुंग्रिया फिसायनाव सोङो बे समायना राज महला सोरनि होन्ना अब्ला फिसायआ फिनो राजखुंगुर दावहारु जोहोलावनि होन्ना। बिदिनो आरो दसे गोलाव थाबायलांबावना मोनसे समायना नोगोर मोनहैयो, राजखुंग्रिया आरोबाव फिसायनाव सोंबावो बे समायना नोगोरालाय सोरनि होन्ना अब्ला फिसायआ बुंफिनबावो राजखुंगुर दावहारु जोहोलावनि होन्ना। राजखुंग्रिया मोखां सोमखे जायो। दसे थाबायलांबावनायनि उनाव मोनसे फिसा बायरारा न मोनहैयो। बेखौ नुना राजखुंग्रिया सोंबावो बे बायलाला नआलाय सोरनि होन्ना अब्ला फिसायआ फिनो बेयो आंनि न आरो दिनैनिफ्राय नोंबो बे नआवनो थानांसिगोन होन्ना। राजखुंग्रिया दुखुयैब्लाबो न सिङाव हाबलाङो। सिङाव सहैना राजखुंग्रिया आरो फिसायनाव सोंबावो बे ननि बान्दा बान्दिफोरालाय बहाथो होन्ना अब्ला फिसायआ बुंफिनो बेयाव रावबो बान्दा बान्दि गैया गावनि खामानिखौ गावनो मावनानै लानांगोन। बिदिनो दिन बारलांबाय राजखुंग्रिया जेबो खामानि मावनो रोङा, ओंखाम संबा खामहोयो, माब्लाबा गोथां गेफे जाहोयो, जेबोखौनो मावनो रोङा। बिसिनि बेबायदि हालोदखौ नुना फिसायआ राजखुंग्रिनो माखासे बिबारफोर खाना होफैबाय माला सुनो जाहाथे बेफोर मालाखौ हाथायाव फान्ना रां मोन्नो हायो। राजखुंग्रियाबो बिबारखौ बिजिजों माला सुनो लाजेनबाय नाथाय दायनैसो बिबार सुहांब्लानो आखायाव बिजिखौ सुना लाबाय बेखौ नुना फिसायआ रागा जोंबाय आरो राजखुंग्रिखौ बुंबाय नों जेबो खामानि मावनो रोङा बेबादिब्ला माखौ जागोन, खोनानो मोन्दों राजखुंगुर दावहारु जोहोलावनि महलाव सासे बान्दिनि गोनांथि जादोंनो नों गाबोन्निफ्राय बैयावनो खामानि मावहैदो होन्ना। राजख्रुंग्रि देलायस्रिहा जेबो राहा गैयैनि बियो महलाव बान्दि बैहैनो राजि जायो। अखा नायै फुङावनो राजख्रुंग्रि देलायस्रिया महलाव थाङो। बियो सानफा थोलो महलखौ सिबो मुसियो बिदिनो मोनाबिलि जाबा महलनिफ्राय इसे मायरं लाना नआव थाङो। राजख्रुंग्रि देलायस्रिया गावनि गोरोन्थिखौ मोन्दांनो हाबायमोन। बेबायदिनो सान्नैसो उनाव गावनि गोरोन्थि अहंखार आरो बिबायारिजों हाबा जानांनाय गासैबो खोथाखौ फिसायनो खोन्थाना लायो, अब्ला फिसायआ बिसि राजख्रुंग्रि देलायस्रिखौ बुंफिनो जदि नों थारैनो गावनि गोरोन्थिखौ बुजिबायब्ला गाबोन नों लाजि फोनांनाय गासैबो राजखुंगुरफोरनाव निमाहा बिजोब होन्ना। फिसाय बुंनाय बादिनो राजख्रुंग्रि देलायस्रिया अखानायै महमलाव खामानि मावनो थांबाय, खामानि मावबाय थानाय समावनो राजखुंगुर दावहारुआ बायजोनिफ्राय महल सिङाव हाब्बोनायखौ नुना राजख्रुंग्रि देलायस्रिया राजखुंगुरनि आथिंङाव गुगुरुब खुलुमना निमाहा बियो, राजखुंगुर आंखौ निमाहा होदो आं गावनि गोरोन्थिखौ बुजिबाय आं नोंथांखौ गोबां अफमान खालामफ्लांबाय। अब्ला राजखुंगुरा राजख्रुंग्रि देलायस्रिखौ मोनसे खथासिम लिंलांबाय। बै खथायाव राजख्रुंग्रि देलायस्रिखौ नायफैनाय गासैबो राजखुंगुरफोरा फारियै जिरायना दंमोन लोगोसे राजख्रुंग्रि देलायस्रिनि बिफायाबो दंफायोमोन। राजख्रुंग्रि देलायस्रिया गासैबो राजखुंगुरफोरनाव निमाहा बियो। बिनि उनाव राजखुंगुर दावहारुआ राजख्रुंग्रि देलायस्रिनो खोन्थायो दि नोंनि बिबायारि फिसायआ आंनो होन्ना, नोंखौ बुजिहोनो थाखैनो नोंनि बिफा महाराजाजों रायज्लायना आंनो बैदिना बिबायारि जाना नोंनि राज महलाव गिबि हाबहैदोंमोन होन्ना। बेबायदिनो गासैबो रंजा खुसियै राजख्रुंग्रि देलायस्रिजों आरो राजखुंगुर दावहारुजों गासै आसारखान्थि बादियै धुम धाम हाबा खुंफिनो।
सि सि बेलाय खौला लासो, गुबुन सासेखौ बुङो बिनियाथ मोखाङानो दुमफाव फाव थार, थामथिखौ बुङो उदैयावलाय मा जाना लादों थिंख्लि उदै बायदि, ब्रैथिखौ बुङो दारियालाय मासि जामामाव लेथ्रा फेथ्रानो, बिदिनो बियो दरबाराव जिरायना थानाय साफ्रोम राजखुंगुरफोरखौ लाजि फोनांलाङो फारसेनिफ्रायनो। बेबायदि राजखुंगुरजों आं हाबा जाया होन्ना। बेखौ नुना राजाया जोबोद दुखु मोनो आरो रागाजोंना राजखुंग्रिखौ हुखुम होयो - गाबोन फुङाव जायनो आंनि बे दरबाराव बयनिख्रुयबो सिगांसिन हाबफैगोन बेजोंनो नों जुलि जानांगोन, बे राजखुंगुरानो जायाथों एबा बिबायारिआनो दा जाथों मानो नों जुलि जानांगोन होन्ना। राजखुंग्रिआ रागाजों गावनि खथायाव हाबसोना थाहैयो। अखानायै फुङावनो सासे बिबायारिया मायरं बिबायनो राजानि दरबाराव हाबफैबाय, राजाया बेखौ नुना फिसाजोखौ बुंबाय दिनै नों बे बिबायारिजोंनो जुलि जानानै बे ननिफ्राय थांनांगोन गावनि फिसायनि नआव। राजखुंग्रिया राहा गैयै जुलि जानांबाय बे बिबायारिजों आरो बिबायारि फिसायजों जारमहलनिफ्राय ओंखारलाङो। ससे गोजान थाबायलांना बिसोरो मोनसे समायना राजमहल मोनहैयो, बेखौ नुना राजखुंग्रिया फिसायनाव सोङो बे समायना राज महला सोरनि होन्ना अब्ला फिसायआ फिनो राजखुंगुर दावहारु जोहोलावनि होन्ना। बिदिनो आरो दसे गोलाव थाबायलांबावना मोनसे समायना नोगोर मोनहैयो, राजखुंग्रिया आरोबाव फिसायनाव सोंबावो बे समायना नोगोरालाय सोरनि होन्ना अब्ला फिसायआ बुंफिनबावो राजखुंगुर दावहारु जोहोलावनि होन्ना। राजखुंग्रिया मोखां सोमखे जायो। दसे थाबायलांबावनायनि उनाव मोनसे फिसा बायरारा न मोनहैयो। बेखौ नुना राजखुंग्रिया सोंबावो बे बायलाला नआलाय सोरनि होन्ना अब्ला फिसायआ फिनो बेयो आंनि न आरो दिनैनिफ्राय नोंबो बे नआवनो थानांसिगोन होन्ना। राजखुंग्रिया दुखुयैब्लाबो न सिङाव हाबलाङो। सिङाव सहैना राजखुंग्रिया आरो फिसायनाव सोंबावो बे ननि बान्दा बान्दिफोरालाय बहाथो होन्ना अब्ला फिसायआ बुंफिनो बेयाव रावबो बान्दा बान्दि गैया गावनि खामानिखौ गावनो मावनानै लानांगोन। बिदिनो दिन बारलांबाय राजखुंग्रिया जेबो खामानि मावनो रोङा, ओंखाम संबा खामहोयो, माब्लाबा गोथां गेफे जाहोयो, जेबोखौनो मावनो रोङा। बिसिनि बेबायदि हालोदखौ नुना फिसायआ राजखुंग्रिनो माखासे बिबारफोर खाना होफैबाय माला सुनो जाहाथे बेफोर मालाखौ हाथायाव फान्ना रां मोन्नो हायो। राजखुंग्रियाबो बिबारखौ बिजिजों माला सुनो लाजेनबाय नाथाय दायनैसो बिबार सुहांब्लानो आखायाव बिजिखौ सुना लाबाय बेखौ नुना फिसायआ रागा जोंबाय आरो राजखुंग्रिखौ बुंबाय नों जेबो खामानि मावनो रोङा बेबादिब्ला माखौ जागोन, खोनानो मोन्दों राजखुंगुर दावहारु जोहोलावनि महलाव सासे बान्दिनि गोनांथि जादोंनो नों गाबोन्निफ्राय बैयावनो खामानि मावहैदो होन्ना। राजख्रुंग्रि देलायस्रिहा जेबो राहा गैयैनि बियो महलाव बान्दि बैहैनो राजि जायो। अखा नायै फुङावनो राजख्रुंग्रि देलायस्रिया महलाव थाङो। बियो सानफा थोलो महलखौ सिबो मुसियो बिदिनो मोनाबिलि जाबा महलनिफ्राय इसे मायरं लाना नआव थाङो। राजख्रुंग्रि देलायस्रिया गावनि गोरोन्थिखौ मोन्दांनो हाबायमोन। बेबायदिनो सान्नैसो उनाव गावनि गोरोन्थि अहंखार आरो बिबायारिजों हाबा जानांनाय गासैबो खोथाखौ फिसायनो खोन्थाना लायो, अब्ला फिसायआ बिसि राजख्रुंग्रि देलायस्रिखौ बुंफिनो जदि नों थारैनो गावनि गोरोन्थिखौ बुजिबायब्ला गाबोन नों लाजि फोनांनाय गासैबो राजखुंगुरफोरनाव निमाहा बिजोब होन्ना। फिसाय बुंनाय बादिनो राजख्रुंग्रि देलायस्रिया अखानायै महमलाव खामानि मावनो थांबाय, खामानि मावबाय थानाय समावनो राजखुंगुर दावहारुआ बायजोनिफ्राय महल सिङाव हाब्बोनायखौ नुना राजख्रुंग्रि देलायस्रिया राजखुंगुरनि आथिंङाव गुगुरुब खुलुमना निमाहा बियो, राजखुंगुर आंखौ निमाहा होदो आं गावनि गोरोन्थिखौ बुजिबाय आं नोंथांखौ गोबां अफमान खालामफ्लांबाय। अब्ला राजखुंगुरा राजख्रुंग्रि देलायस्रिखौ मोनसे खथासिम लिंलांबाय। बै खथायाव राजख्रुंग्रि देलायस्रिखौ नायफैनाय गासैबो राजखुंगुरफोरा फारियै जिरायना दंमोन लोगोसे राजख्रुंग्रि देलायस्रिनि बिफायाबो दंफायोमोन। राजख्रुंग्रि देलायस्रिया गासैबो राजखुंगुरफोरनाव निमाहा बियो। बिनि उनाव राजखुंगुर दावहारुआ राजख्रुंग्रि देलायस्रिनो खोन्थायो दि नोंनि बिबायारि फिसायआ आंनो होन्ना, नोंखौ बुजिहोनो थाखैनो नोंनि बिफा महाराजाजों रायज्लायना आंनो बैदिना बिबायारि जाना नोंनि राज महलाव गिबि हाबहैदोंमोन होन्ना। बेबायदिनो गासैबो रंजा खुसियै राजख्रुंग्रि देलायस्रिजों आरो राजखुंगुर दावहारुजों गासै आसारखान्थि बादियै धुम धाम हाबा खुंफिनो।
मरेल: आखल आखुआनो मानसिखौ फोजौनोबो हायो आरो गाहाय फारसे बोख्लायनोबो हायो।
0 Comments