सानसेखालि सासे ना हमग्राया मोनसे दैमायाव ना सारगासिनो दंमोन सानफ्रोमबोनि बादिनो। बियो गावनि जेखौ दैयाव सारबायथायो ना मोन्नायनि आसायाव, ना गोबां मोनब्ला हाथायाव फान्नानै गोबां रां मोनगोन होन्ना। दसे सारखांनाय उनाव ना सारग्राया जेयाव ख्र ख्र ख्रा ख्रा सोदोब खोनायो, बेखौ खोनाना बियो सानो दिनैबा हले गोबांथार ना नांबाय जेयाव, बियो जेखौ दैनिफ्राय बोखांबाय। नाथाय बेयो नुबायदि जेयाव फिसा ना मासेल नांदों। बेयो बे नाखौ हमनो नागिरब्लानो हरखाबै नाया बिजों रायज्लायनो हमो। ना फिसाया ना हमग्राखौ बुङो "अ ना सारगिरि दहाय, आंखौ अन्दो आंखौ अन्दो आंखौ एगारदो अन्नानै आंखौ एगारदो नङाब्ला आं थैगोन, दैनि बाहेराव लाबोब्ला आं थैगोन" नाथाय ना हमग्राया नानि खावलायनायखौ जेबो खेरखेरायाखैमोन, नाथाय बै ना फिसाया ना हमग्राखौ बुंफिनो अ ना हमगिरि आं नोंथांनो माबा मोनसे खोन्थागोन बेयो नोंथांखौ मुलाम्फा जाहोगोन, जदि नोंथाङा आंखौ दैयाव हगारफिनोब्ला आं नोंथांनि सोमोन्दै आंनि गासै लोगोफोरनो खोन्थाजोबगोन आरो आं बिसोरखौ दैमानि जिङाव लाबोगोन, जेब्ला नोंथाङा नेक्स ताइम फैफिनगोन अब्ला नोंथाङा गोबांसिन ना मोनगोन। ना हगिरिया दसे सम गावनो गाव सानहाबो, वाव... बेथ खोथाया गाज्रि नङा, बियो सान्नो हमो जदि आं बे ना फिसा मासेखौ दिनै हगारो अब्ला आं गाबोन बिनिख्रुय बांसिन ना मोनगोन, मानोना बे ना फिसाया गावनि गासै लोगोफोरखौ आंजों हमजानो लिंना लाबोगोन। बे मासे फिसा नानि खोथाखौ फोथायना ना हमगिरिया बे ना फिसा मासेखौ दैयाव हगारफिनो। बे ना फिसाया थारैनो जोबोद रंजायो बाज्ल बाज्ल आरो बेयो रंजा खुसियै दैमानि गेजेरथिं खारलाङो आरो माब्लाबाबो रुगुं फारसे फैफिनासै आरो गावनि लोगोफोरखौबो रुगुं फारसे फैनो होआसै। बेसेरा ना हमग्राया अखा नायै रंजा रंजा ना हमनो फैदों दिनैब्ला हले बे ना फिसाया गावनि लोगोफोरखौ लाना दैजिङाव दंफैयो सान्ना आरो गोबां ना हमनो मनोगोन्नि आसाजों बाज्ल बाज्ल खर थाबायबोथारदों। नाथाय बे ना फिसाया जोबोद सोलोगोरामोन, गावनि सोलोनि जोहैनो बेयो गावनि जिउखौ बे ना सारग्रानिफ्राय रैखा खालामबाय। आरो बे लुबैसुला ना सारग्राया मासेबो मा मोनासै।
मरेल: ना हमग्रा- जि मोन्दों बेवनो खुसि जानांगौ बांद्राय लुबैब्ला हावरिया जायो।
ना फिसा - दिनैनि बादायलायनाय मुगायाव सोलिना थानोब्ला सोलोगोरा जाथारनांगोन।
0 Comments